Логойск - региональный интернет-портал

У апошні дзень ліпеня каманды з Беларусі, Татарстана, Маскоўскай вобласці (Расія), Даніі і Эстоніі збяруцца ў доме адпачынку «Алеся» Маладзечанскага раёна, дзе будзе праходзіць міжнародны маладзёжны лагер пад дэвізам «Моладзь за ўдзел у вырашэнні праблем экалогіі».

Прымаць удзельнікаў лагера будзе Лагойскі раён, 12 вучняў і студэнтаў з якога прадстаўляюць беларускую каманду.

Праграма маладзёжнага абмена разнастайная. Акрамя знаёмства, зносін паміж маладымі людзьмі будуць прэзентавацца стратэгіі больш бяспечнага навакольнага асяроддзя, рыхтавацца і праводзіцца флэшмобы на экалагічную тэматыку.
Будзе праведзены і шэраг экскурсій: у горад Мінск, на лінію Сталіна, у Гомель, Мазыр, Рэчыцу, Хойнікі, дзе плануецца наведаць Палескі радыялагічны запаведнік, музей Чарнобыля.

Адна з паездак адбудзецца ў наш горад, дзе маладыя людзі наведаюць адметныя мясціны Лагойска, правядуць флэшмобы і будуць мець магчымасць адпачыць на вечарах знаёмстваў у сем'ях з райцэнтра.