Логойск - региональный интернет-портал

Дыскатэка «Бывай, лета!» і іншыя цікавыя мерапрыемствы праходзяць днямі ў Цэнтры культуры.

Сёння а 9-й гадзіне вечара лагойскі Цэнтр культуры запрашае моладзь на тэматычную дыскатэку «Бывай, лета!», прысвечаную завяршэнню канікул і пачатку новага навучальнага года. Школьнікаў і студэнтаў чакае цікавая забаўляльная праграма, вясёлыя конкурсы і мора музыкі. Уваход на дыскатэку будзе бясплатным.

А ўчора маладыя мамы абмяркоўвалі праблему адаптацыі вучняў да школы. Усе пытанні, што датычацца бесканфліктнага ўваходжання першакласнікаў у школьны свет, а дашкольнікаў- у дзіцячы сад, дапамагала высветліць і вырашыць педагог-псіхолаг Наталля Раднёнак. Пры дапамозе спецыяльных трэнінгаў і гульняў мамы зрабілі для сябе выснову, што перш-наперш самім бацькам трэба справіцца з уласным хваляваннем, тады яны змогуць дапамагчы дзіцяці адчуваць сябе ў новых умовах камфортна і спакойна.

Увогуле, у Цэнтры культуры чакаюць маладых людзей з рознымі захапленнямі для заняткаў у аматарскіх аб'яднаннях. А наступнае пасяджэнне клуба «Супермама» пройдзе з удзелам не толькі бацькоў, але і дзетак.