Логойск - региональный интернет-портал

На працягу жніўня ў тры этапы будзе праведзена акцыя «Добры дзень, школа!». Валанцёры з клуба «Усмешка» пры Цэнтры сацыяльнага абслугоўвання насельніцтва Лагойскага раёна па лініі Беларускага таварыства Чырвонага Крыжа будуць займацца зборам школьных канцылярскіх прылад для малазабяспечаных, няпоўных і шматдзетных сем'яў.
Кожны жадаючы можа купіць такія прылады на «Школьным базары» ля лагойскага універмага «Гайна» ці пакінуць грашовыя ахвяраванні ў спецыяльнай скарбонцы Чырвонага Крыжа, якая знаходзіцца там жа. Атрыманыя рэчы і сродкі будуць размеркаваны паміж тымі, хто мае ў іх асаблівую патрэбу.
Акцыя мае і другую назву «1+1», бо кожны, хто купляе прадметы школьнай канцылярыі свайму дзіцяці, можа набыць такія ж для дзіцяці з малазабяспечанай сям'і.

Фота аўтара.