Логойск - региональный интернет-портал

Падрыхтоўка да новага навучальнага года ў раёне ідзе ў трох наступных накірунках: аналіз зробленага за мінулы год і складанне плана на наступны; рамонт устаноў адукацыі; камплектаванне кадрамі.

Як паведаміла начальнік аддзела адукацыі Святлана Шульская, па першым пытанні была праведзена нарада, дзе была прааналізавана дзейнасць сістэмы адукацыі і вызначаны прыярытэты на будучы год. Рамонт у школах ідзе зараз актыўнымі тэмпамі, і асабліва вялікі аб'ём работ праводзіцца ў школах і садках аграгарадкоў, а завершацца ўсе работы ў жніўні. Кадравыя вакансіі ў раённай сістэме адукацыі таксама будуць закрыты: 25 маладых спецыялістаў папоўняць у гэтым годзе настаўніцкую кагорту. Прычым гэта будуць выкладчыкі розных прадметаў.