Логойск - региональный интернет-портал

У нашым горадзе зараз праходзяць практыку студэнты Акадэміі мастацтваў, вынікамі якой стане з'яўленне новых малых архітэктурных форм на вуліцах Лагойска. Пакуль што маладыя скульптары вывучаюць гісторыю райцэнтра, выбіраюць і распрацоўваюць праекты. Хутка яны прыступяць да іх ажыццяўлення.

Пакуль невядома, што гэта за аб'екты. Але сярод прапаноў — добраўпарадкаванне кальца пры ўездзе ў горад, у якое ўпіраецца вуліца Савецкая, паркавай зоны; стварэнне скульптуры для маладых пар, што ўступаюць у шлюб, і для прыстані ў парку ля ракі Гайна і інш. Якая з гэтых ідэй ажыццявіцца, пакажа час. Аднак кожны раз новыя скульптуры надаюць новае аблічча і настрой гарадскім вуліцам, і гэта вельмі радуе.