Логойск - региональный интернет-портал

У Цэнтры культуры ў сакавіку пачаў дзейнічаць клуб маладых мам «Супермама». Яго ўдзельніцы актыўна супрацоўнічаюць з мадэльерам магазіна «Дзіцячы стыль» Юліяй Лубнеўскай і дырэктарам магазіна Таццянай Абразцовай. Яны рыхтуюць сумесны праект «Школа маленькіх мадэляў», у рамках якога шыюць касцюмы для калекцыі, прысвечанай 65 — годдзю Вялікай Перамогі. Гэтыя касцюмы будуць выкананы ў стылі «мілітары» — накірунку 40-х гадоў мінулага стагоддзя.

Падчас чарговай прымеркі юныя мадэлі Даніла Мароз, Дзіма Гаўрыльчык і Паліна Сакалова адчувалі сябе ў такім адзенні вельмі камфортна, пра што гавораць іх вясёлыя ўсмешкі.

Фота Л. Загорскага.