Логойск - региональный интернет-портал

Пачалося жніво — самая гарачая пара не толькі для механізатараў і іншых працаўнікоў сельскай гаспадаркі, але і для работнікаў культуры. Кожная клубная ўстанова распрацавала сцэнарыі для мабільных канцэртаў, каб, выязджаючы на поле, мехдвор ці зернаток, падняць настрой камбайнерам і зарадзіць іх пазітыўнай энергіяй.

Зажынкі для сваіх аднавяскоўцаў правялі Швабскі, Акцябрскі і Жасцінаўскі СДК. Косінскі дом культуры арганізаваў ужо 4 мабільныя выезды з песнямі ў поле. Па некалькі канцэртаў для тых, хто шчыруе на жніве, далі артысты з Гасцілавіч, Кораня, Гайны, Зарэчча і іншых населеных пунктаў.

У дапамогу сельскім культурным установам адбываюцца выезды аўтаклуба, які дзейнічае пры Лагойскім РАМЦ на чале са Святланай Саўрыцкай.

Наперадзе ў работнікаў культуры яшчэ шмат выступленняў, правядзенне дажынак. А пасля завяршэння ўборачнай кампаніі ў Косіна аддзел культуры плануе правесці конкурс сярод сельскіх маладых сем'яў «Уладар сяла».