Логойск - региональный интернет-портал

У экспазіцыю выставы ўвайшлі калекцыі з музейных фондаў. Гэта калекцыі этнаграфічная, ваенная, дакументальная, падарункаў, жывапісу і інш.

Тут можна ўбачыць ваенныя касцюмы, зброю, гліняныя збаны, саламяных павукоў, даматканыя вышываныя кашулі і посцілкі, прадметы побыту беларусаў, карціны сучасных мастакоў, гадзіннікі, падарункі з замежных краін і іншыя рэчы.

Увогуле, выстава багатая на тэмы і жанры, імёны аўтараў, геаграфію паходжання экспанатаў. Яе можна назваць унікальнай, таму што некаторыя рэчы выстаўлены ўпершыню. Па словах навуковага супрацоўніка музея Святланы Грынь, гэта толькі частка таго, што знаходзіцца ў запасніках і што дазволіла размясціць плошча выставачнай залы.

Пабываўшы на гэтай выставе, за кароткі час можна пазнаёміцца з жыццём беларусаў на працягу цэлага стагоддзя і даведацца, што спадчына прадзедаў — сапраўды багатая і цікавая.
А. МАСЦЕРАВА.
Фота Л. ЗАГОРСКАГА.